Një agjenci reklamash ka bërë një studim se sa vlen një reklame e postuar në profilet e futbollistëve të Zvicrës. Ndër to, spikasin lojtarët me origjinë shqiptare, Xherdan Shaqiri dhe Granit Xhaka.
Mbi 2.6 milion njerëz ndjekin Xherdan Shaqirin në Instagram. Kjo e bën lojtarin e Liverpulit më të ndjekurin ndër helvetët. Pas tij, vjen kapiteni Granit Xhaka i cili numëron 2 milionë ndjekës, shkruan 20min.
Agjencia zvicerane e reklamave “Gamne” ka llogaritur vlerën e një postimi të futbollistëve zviceran, teksa një postim i vetëm në “Instagram” nga Xherdan Shaqiri ka një vlerë reklamimi prej 121 mijë dollarë ndërsa për Xhakën 110 mijë dollarë.
Shaqiri dhe Xhaka janë gjithashtu dy nga lojtarët më të rëndësishëm të Zvicrës. Shaqiri realizoi dy gola në ndeshjen e fituar 3-1 ndaj Turqisë, që i dha kualifikimin helvetëve për në fazën 1/8-ve në Euro 2020.
