Bayern Munich nuk njeh dështim këtë sezon nën drejtimin e Jup Heynckes. Pasi i mposhtën në “Allianz Arena” me rezultatin 5-0, bavarezët fitojnë edhe në Turqi 1-3 ndaj Besiktasit. Për gjermanët ishte thjeshtë një ndeshje për tu luajtur, pasi kualifikimin në çerekfinale e kishin siguruar që në ndeshjen e parë.
Bavarezët gjetën rrugën e rrjetës shumë shpejt që në minutën e 18’, me anë të Alcantaras pas një asisti perfekt të Mullerit. Vendasit dukeshin të dorëzuar dhe nuk kishin dëshirë të madhe për të sulmuar. Në fillim të së dytës, lojtarët e Besiktas shënojnë një autogol me Gonul.
Besiktas fillon të luajë më përpara me asgjë për të humbur dhe ngushton diferencën me brazilianin Vagner Love. Gjithçka ishte si një ndeshje stërvitore dhe në fund ishte Ëagner që zëvendësoi Lewandowski-n që shënoi golin e tretë për bavarezët. Një fitore e lehtë, në të dyja ndeshjet për favoritët. Dhe një rekord i veçantë për Jupp Heynckes i cili është trajneri i parë në Champions League që fiton 11 ndeshje radhazi.
