Shefi i burimeve njerëzore në Dibër, Drini Mataj ka dhënë dorëheqjen nga posti që mbante. Dorëheqja e tij vjen pas sherrit në bashki, ku ai ra pre e dhunës, duke bërë që të marrë vendimin që të largohet nga qyteti verilindor.
Mataj dhe zyrtarë të tjerë të bashkisë u goditën me shkop bejsbolli dhe mjete të tjera të forta. Madje, kryetari i bashkisë Muharem Rama, akuzoi si iniciator të dhunës zëvendësin e tij Ernolt Cani, përqësues i PDIU-së.
Cani u arrestua pak orë pas ngjarjes dhe aktualisht ndodhet në burgun e Burrelit.
Ndërkohë, vendorët e Dibrës nuk kanë reaguar lidhur me dorëheqjen e Matajt. Ky i fundit i kërkoi kryebashkiakut Rama të firmoste largimin e 18 punonjësve të gjetur me shkelje, shumica prej tyre anëtarë dhe mbështetës të PDIU-së.
Prej fillimit të shkurtit të këtij viti deri para dy ditësh, thuhet se Mataj ka gjetur parregullsi në dosjet e 90 punonjësve, nga 720 që ka ajo, raporton BalkanËeb.
Po ashtu mësohet se këto abuzime sipas shefit të personelit, ia ka vënë në tryezë kryebashkiakut, madje i ka kërkuar që projekt-vendimet për largimin e tyre nga puna të firmosen nga ana e tij. Zyrtarë të Bashkisë Dibër pohojnë se Mataj është ndjerë keq që shkresat e tij nuk po firmoseshin nga kryetari i bashkisë, ndaj ka vendosur largimin nga Dibra. Burime për gazetarin Doçi pohojnë se mes socialistëve dhe çameve në Dibër ka një “marrëveshje” për ta qetësuar situatën e krijuar muaj më parë dhe pse jo dhe bashkëpunim mes tyre.
