Në internet është shpërndarë një video në të cilën shfaqen vlonjatët që zihen mes tyre për disa rrënjë ullinj. Dy ditë më parë, ministri i Turizmit dhe Mjedisit, Blendi Klosi dhe kryebashkiaku i Vlorës, Dritan Leli shpërndanë rreth 50 mijë rrënjë ullinj për banorët e zonës, me qëllim gjelbërimin e kodrave të shpyllëzuara.
Numri duket i madh por kur shpërndahen te banorët u bie që secili prej tyre të marrë nga pak rrënjë. Por edhe për kaq nuk mundojnë sherret se kush të marrë më shumë.
Në video nga momenti ku banorët e zonës, thuajse kapeshin me grushte për të marrë fidanët.
Nga pamjet duket se as policia nuk ka arritur të mbajë nën kontroll situatën, ndërsa qytetarët përpiqen kush më shumë e kush më pak të rrëmbejnë ndonjë degë ulliri vjedhurazi ministrit.
Ullinjtë e dhuruar janë pjesë e programit të qeverisë për mbjelljen e më shumë se 20 milionë pemëve deri në vitin 2020.
