Policia ka parandaluar përshkallëzimin e një konflikti mes vëllezërve në fshatin Nënshat të Vaut të Dejës.
60-vjeçari Luigj Preçi është arrestuar pasi në banesë iu gjet një kallashnikov pa leje. Ai ishte duke u konfliktuar me vëllain e tij H. Preçi për motive pronësie.
Ndërhyrja në kohë e uniformave blu parandaloi përshkallëzimin e konfliktit, deri në përdorimin e armës së zjarrit. Ndaj Luigj Preçit u referuan materialet në Prokurori për armëmbajtje pa leje dhe kanosje.
