Armando Sadiku edhe pse e nisi me këmbën e mbarë tek ekipi i tij i ri, Legia Warsaw duke shënuar që në ndeshjen e parë gol. Pësoi një rënie duke mos shkëlqyer në disa ndeshje dhe për këtë arsye ai filloi të cilësohej si një dështim në ekipin polak.
Por ai është rikthyer të shënojë dhe të ndihmojë ekipin në fitore mjaft të rëndësishme, pasi me dy golat e tij ekipi i Legiasa kaloi në fazën tjetër të Kupës së Polonisë. “Jam shumë i lumtur për golat, sidomos edhe për faktin se na ndihmuan që të kalojmë për më tej në kupë”, tha fillimisht bomberi i kombëtares për mediat polake.
Fillimi ka qenë i vështirë pasi ndryshova ambient dhe më duheshe pak kohë të mësohesha, ndërsa problem tjetër ka qenë edhe klima që më ka kushtëzuar jo pak në këto kohë, por tani jam mirë dhe i gatshëm të ndihmoj ekipin. “Në ekip ndihem shumë mirë dhe gjithashtu në formë. Mirëpo, në fillimet e mia te Legia kam hasur disa vështirësi, pasi ishte një aventurë e re për mua, ishte vend i ri dhe mbi të gjitha kisha probleme me klimën”, ka deklaruar Sadiku.
