Kapiteni i Milanit, Leonardo Bonucci, u bë protagonist në ndeshjen e së shtunës ku i shënoi gol ish-ekipit të tij dhe më pas festoi. Por për këtë Bonucci ka një arsyetim, pasi në fillim të ndeshjes kishte vendosur që edhe nëse shënonte nuk do të festonte.
Ish-heroi i “Zonjës së vjetër” u fishkëllye dhe fye nga tifozët e Juventusi sa herë që e preku topin në ndeshjen e tij të parë në “Allianz Stadium” që prej transferimit në Milan verën e kaluar. U duk gati e pashmangshme se ai do të shënonte golin që ia ndërpreu Juventusit serinë prej 959 minutave pa pësuar gol, edhe pse Milani në fund humbi 3-1.
“Ishte një ngjarje emocionale, natyrisht. Mendoj se mirëpritja ishte 50-50. Ata preferuan të më fishkëllejnë dhe i respektoj, por mendoj se kam dhënë shumë për Juventusin dhe në ato shtatë vite kam luajtur më shumë se të gjithë”, tha Bonucci për Sky Sport Italia.
“Nuk mbaj inat ndaj tifozëve, sepse ata kanë të drejtë të bëjë atë që mendojnë se është e duhur. Nuk po planifikoja të festoja golin, por fishkëllimat ma ndryshuan mendjen”, shtoi ai.
