A e dini se stresi mund t’i bëjë mirë shëndetit? Profesori i psikiatrisë dhe shkencave të sjelljes në Shkollën Mjekësore Miller të Universitetit të Miamit, Firdaus Dhabhar realizoi një studim, ku doli në përfundimin se periudhat akute të stresit, që zgjasin nga pak minuta në disa orë, mund të forcojnë sistemin imunitar.
Megjithatë, krejt e kundërta ndodh nëse stresi është kronik dhe zgjat shumë, pra për disa javë, muaj, apo vite.
Stresi kronik pengon sistemin imunitar që të mbrojë trupin nga sëmundjet si dhe ndikon negativisht tek funksioni i qelizave duke ju bërë më të prekshëm ndaj sëmundjeve.
Por, cilat janë shenjat më të dukshme, apo të fshehura që tregojnë se stresi kronik po ndërhyn negativisht në shëndetin tuaj?
Po shtoni në peshë
Stresi kronik mund të shkaktojë një rritje të vogël të niveleve të hormoneve të urisë, të quajtura glukokortocoide. Nëse niveli i këtyre hormoneve është i lartë, rritet edhe dëshira juaj për të ngrënë. Si pasojë, ju shtoni në peshë, madje mund të bëheni obezë.
Nivelet e tensionit të gjakut janë shumë të larta
Stresi lidhet ngushtë me instinktet e trupit. Për t’i mbijetuar një situate jetë a vdekje, stresi ndez sistemin nervor simpatetik, që nga ana tjetër rrit tensionin e gjakut, kështu gjymtyrët dhe muskujt janë gati për aksion. Asnjë nga këto nuk është një gjendje e përkohshme. Me kalimin e kohës, nivelet e larta të tensionit të gjakut mund të ndërhyjnë në zemër dhe të çojnë në dëmtim dhe bllokim të arterieve.
Ju dhembin kyçet
Sëmundjet autoimunitare janë gjendje ku mbrojtësit natyral të trupit sulmojnë gabimisht qelizat e shëndetshme. Rezultat i këtij sulmi është shpesh inflamacioni, që mund të çojë në dhimbje të kyçeve për personat që vuajnë nga artriti reumatoid. Duke qenë se stresi shkakton inflamacion, mund të përkeqësojë edhe më shumë simptomat e sëmundjeve autoimunitare, përfshirë artritin reumatoid, si edhe problemet e lidhura me zorrës, si sëmundja celiake dhe lupusi.
Keni probleme me zorrët
Hormonet e stresit mund të nxisin ndryshme të padobishme në mënyrës si sistemi tretës transporton, zbërthen dhe absorbon lëndët ushqyese. Kështu, stresi mund të shkaktojë dhimbje të përkohshme të barkut, diarre ose probleme të tjera qoftë edhe në periudha të shkurtra.
Ju janë shfaqur puçrra në lëkurë
Stresi shkakton probleme edhe në lëkurë, sepse hormonet e stresit, sidomos kortizoli mund të rrisin prodhimin e yndyrës në lëkurë dhe qarkullimin e qelizave, gjë që përkthehet në shfaqjen e puçrrave në fytyrë, si dhe probleme të tjera me lëkurën.
Ndiheni gjithmonë të lodhur
Nëse jeni të stresuar, me siguri nuk bëni gjumë të rehatshëm. Por, edhe nëse mendoni se po flini mirë, ka të dhëna të tregojnë se stresi mund të shkaktojë ndjesitë e lodhjes.
Po ju “plas” koka
Dhimbjet e kokës të shkaktuara nga stresi vijnë si pasojë e mundimit të shumtë të vetes kur jeni të stresuar.
