Apendiciti është mjaft i rrezikshëm, pasi mund të çojë në plasje të organit. Edhe pse inflamacioni i apendiksit është më pak i zakonshëm, rreth 5%, ka simptoma që nuk duhet t’i neglizhoni dhe që ju paralajmërojnë se duhet të bëni sa më parë një vizitë mjekësore.
Kjo pasi, nëse apendiciti nuk trajtohet, apendiksi mund të plasë dhe t’ju rrezikojë jetën.
Barku ju dhemb më shumë se asnjëherë më parë
Nëse keni dhimbje që përhapen nga kërthiza deri tek pjesa e poshtme e barkut, sidomos në anën e djathtë, kjo tregon se keni nevojë për një eko. Dhimbja mund të vazhdojë të përkeqësohet nëse lëvizni këmbët ose barkun, kolliteni apo teshtini.
Keni të përziera, villni dhe nuk keni oreks
Nëse keni të vjella, të përziera dhe dhimbje të tmerrshme në stomak, atëherë duhet të bëni një kontroll. Kjo sepse inflamacioni i apendiksit prek pjesë të tjera të traktit gastrointestinal dhe sistemit nervor dhe çon në të përziera dhe të vjella.
Po shkoni në tualet më shpesh se zakonisht
Apendiksi, tek disa njerëz, pozicionohet në pjesën e poshtme të legenit, prandaj është shumë afër fshikëzës. Nëse kjo e fundit bie në kontakt me një apendiks të inflamuar, fillon të inflamohet dhe irritohet edhe ajo. Prandaj dhe ndieni sikur duhet të urinoni gjatë gjithë kohës, madje mund të keni dhimbje kur urinoni. Sigurisht që kjo mund të sinjalizojë edhe për infeksione urinare, megjithatë nëse shoqërohet edhe me simptoma të tjera të përmendura më sipër, mund të paralajmërojë për apendicit, shkruan Shëndeti.
Keni ethe ose temperaturë
Temperatura e lartë dhe ethet paralajmërojnë për inflamacion diku në trup. Nëse ju është inflamuar apendiksi “trupi përgjigjet duke lëshuar disa kimikate për të ngritur alarmin dhe sjell qeliza luftuese në këtë pjesë, që manifestohet si një dhimbje e lokalizuar si dhe simptoma në trup të tilla si temperatura e lartë dhe ethet. Nëse keni gjithashtu dhimbje barku dhe gjendja shëndetësore po përkeqësohet edhe më shumë, konsultohuni me mjekun.
Jeni të çorientuar dhe thuajse të pavetëdijshëm për veprimet tuaj
Nëse jeni të çorientuar ose konfuz, mund të paralajmërojë për përkeqësim të infeksionit – mund të ketë hyrë në qarkullimin e gjakut dhe mund të jetë fatale për jetën. Me përkeqësimin e infeksionit dhe zgjerimin edhe në burime të tjera të trupit, përfshirë edhe oksigjenin, truri fillon të ketë mungesë të oksigjenit dhe nuk funksionon normalisht.
