Depresioni është një gjendje shpirtërore e çrregulluar që shkakton humbjen e energjisë, shtimin e ndjenjës së pikëllimit, nervozizmin dhe humbjen e interesimit për të bërë ndonjë aktivitet ditor.
Simptoma të tjera përveç këtyre të lartpërmendura, janë ndryshimi i mënyrës së të ngrënit, të fjeturit më shumë ose më pak seç duhet, ndjenja e lodhjes gjatë gjithë kohës, probleme me përqendrimin, mendimi i shpeshtë për vdekje, apo vetëvrasjen.
Më poshtë disa nga shenjat e depresionit:
Fshehja e ndjenjave
Mungesa e lumturisë apo mërzisë
Keni një jetë të ngarkuar
Inatoseni për gjëra të zakonshme
Jeni të pakujdesshëm
Nuk mendoni qartë
Nuk ju pëlqejnë aktivitetet që më parë i adhuronit
Por, cilët janë hapat për ta shëruar depresionin?
Krijoni një rutinë – Depresioni zakonisht i “zhvesh” jetës suaj strukturën dhe një ditë shkrin në tjetrën. Krijimi i rutinës ju kthen në “shina”.
Vendosini vetes qëllime për të arritur pasi kështu mund ta nxirrni veten nga ndjesia e hidhur e depresionit dhe nga monotonia dhe ndjesia se nuk mund të arrini asgjë
Aktiviteti fizik është një mënyrë shumë e mirë për të dalë nga depresioni, pasi trupi juaj do të çlirojë kimikate. Inkurajoni trurin tuaj me mendime të tjera duke krijuar një rutinë stërvitjeje trupore.
Hani shëndetshëm – Nuk ka dietë magjike për të trajtuar depresionin, por kujdesuni për atë që konsumoni. Nëse depresioni juaj pritet të dalë nga kontrolli, kujdesi me ushqimin do t’ju ndihmojë të ndiheni më mirë.
Flini mjaftueshëm – Depresioni mund t’jua vështirësojë fjetjen, por ju mund të bëni ndryshime të vogla në stilin tuaj të jetesës për ta rregulluar këtë. Flini dhe zgjohuni në të njëjtën orë çdo ditë. Largoni të gjitha gjërat shpërqëndruese nga dhoma juaj dhe gjumi do t’ju përmirësohet.
