Presidenti i Republikës, Ilir Meta ka dhënë një mesazh në Ditën Botërore të Teatrit, teksa ka kujtuar shembjen e Teatrit Kombëtar, më 17 maj të vitit të kaluar.
Meta shprehet se krimi që ndodhi në zemër të Tiranës nuk do të amnistohet, madje do të vendoset drejtësia.
Ndër të tjera, Kreu i Shtet deklaroi se pas 25 prillit, Teatri Kombëtar do ndërtohet aty ku ishte dhe ashtu siç ishte.
”Sot, me rastin e Ditës Botërore të Teatrit, zotohem se krimi i ndodhur në zemër të Tiranës më 17 maj 2020, mes errësirës dhe në periudhë pandemie, nuk do të amnistohet kurrë dhe se mbi rrënojat e Teatrit Kombëtar, do të rivendoset njëherë e përgjithmonë Drejtësia, që do të shembë Tiraninë.
Mirënjohje të gjithë artistëve dhe qytetarëve, të cilët për mbi dy vjet, me sakrifica dhe nën presione të pashembullta, i dhanë zë kauzës së Teatrit dhe zgjuan ndërgjegjen shoqërore e kombëtare. Pas 25 prillit, Teatri Kombëtar do ndërtohet aty ku ishte dhe ashtu siç ishte! KOHA PËR DREJTËSI PO AFRON!’‘, shkruan Meta në rrjetin social, Facebook.
