Ushqimi është bërë pjesë e “arsenalit të terrorit” të Rusisë, tha të mërkurën shefja e Komisionit Evropian Ursula von der Leyen.
Në një fjalim në Parlamentin Evropian në Strasburg, von der Leyen theksoi nevojën urgjente për të rivendosur portet e Detit të Zi të Ukrainës, si një ilaç për krizën e afërt globale të ushqimit.
“Ky është një rrethim i ftohtë, i pashpirt dhe i llogaritur nga Putini ndaj disa prej vendeve dhe njerëzve më të cenueshëm në botë. Dhe prandaj tani, të nderuar deputetë, ushqimi është bërë tashmë pjesë e arsenalit të terrorit të Kremlinit, dhe ne nuk mund ta tolerojmë atë”, u tha von der Leyen ligjvënësve të BE-së.
Sanksionet e BE-së kundër Rusisë “nuk prekin mallrat bazë ushqimore”, theksoi shefi i Komisionit të BE-së.
“Ato nuk ndikojnë në tregtinë e drithërave apo ushqimeve të tjera ndërmjet Rusisë dhe vendeve të treta. Dhe embargoja e portit ka në mënyrë specifike, përjashtimin e plotë të mallrave bujqësore”, shtoi ajo, duke theksuar nevojën për të kundërshtuar “dezinformimin” rus për krizën ushqimore.
Vërejtjet e saj vijnë ndërsa ministrat e jashtëm rus dhe turq mbajtën takime në Ankara të mërkurën, për të diskutuar çështjet lidhur me eksportet e drithit nga Ukraina.
Von der Leyen falenderoi Kombet e Bashkuara për “përpjekjet” e tyre për të ndihmuar në rivendosjen e porteve të Detit të Zi të Ukrainës, duke përsëritur se “shumica e grurit ukrainas mund të eksportohet” vetëm përmes këtyre rrugëve.
Burimi i lajmit: CNN. Përshtatur nga Tirana Today
