Zgjidhja e bllokadës së Rusisë ndaj furnizimeve me drithëra ukrainase është një çështje “jete dhe vdekjeje për shumë qenie njerëzore”, tha të hënën shefi i politikës së jashtme të BE-së, Josep Borrell.
“Rusia duhet të zhbllokojë dhe të lejojë eksportin e grurit ukrainas”, u tha Borrell gazetarëve, përpara një takimi të ministrave të jashtëm evropianë në Bruksel.
Për çfarë do të flasin? Takimi do të fokusohet në Ukrainë. Ministri i Jashtëm i Kievit, Dmytro Kuleba pritet të marrë pjesë në takim dhe të raportojë mbi situatën në terren.
“Ministrat do të diskutojnë se si të zbatojnë më mirë sanksionet kundër Rusisë, dhe të rrisin mbështetjen ushtarake për Ukrainën”, tha Borrell.
Furnizimi me gaz: Të mërkurën, Komisioni i BE-së do të diskutojë furnizimin me gaz dhe mbështetjen e bllokut nga energjia ruse.
“Ne nuk do të ndalojmë së mbështeturi Ukrainën dhe vendosjen e sanksioneve ndaj Rusisë”, tha Borrell.
“Sigurisht që ekziston një rrezik për furnizimin tonë me energji. Të gjithë e dinë (këtë)”, tha Borrell.
Ai shtoi se Komisioni dhe Këshilli i BE-së ishin të përgatitur për t’u përballur me “çdo situatë të mundshme”.
Burimi i lajmit: CNN. Përshtatur nga Tirana Today
