Zbulohen detaje të reja rreth tragjedisë në Florida, ku adoleshenti 19-vjeçar Nikolas Cruz vrau 17 persona në një shkollë të mesme.
Cruz ishte i pezulluar më parë nga kjo shkollë për arsye disiplinore, ndërsa u arrestua një orë pasi kreu sulmin.
Një tjetër detaj tregon fiksimin e Cruz për armët. Po të shikosh profilin e autorit të sulmit në Instagram, ai është i mbushur me armë, dhe postime që tregojnë fiksimin e tij ndaj dhunës dhe dëmtimit të kafshëve.
Burime nga policia bëjnë të ditur se Cruz Cruz ka shtypur alarmin e zjarrit, me qëllim për të krijuar kaos dhe grumbullim të madh të nxënësve dhe stafit dhe vrasjen e sa më shumë njerëzve.
Numri i viktimave mund të ishte më i madh, por shumë nxënës janë mbajtur të fshehur nga mësuesit në ambientet e brendshme të shkollës, derisa u nxorrën prej aty nga forcat e policisë.
