Një nënë pa asnjë precedent penal u deportua nga SHBA-të për në Shqipëri pa iu ofruar mundësia për t’i thënë lamtumirë tre fëmijëve dhe bashkëshortit të saj. Familja nuk u njoftua zyrtarisht për largimin e saj edhe pse kishin kaluar 18 vite që ajo jetonte në Amerikë.
Pavarësisht nga pretendimet e “ICE-së” se do të njoftonte familjen e gruas para se ta hiqnin atë nga Shtetet e Bashkuara. Burri i saj tha se dinte asgjë se gruaja e tij ishte deportuar deri në orën 4 të mëngjesit të së enjtes, vetëm kur ajo e telefonoi nga Gjermania duke i thënë se ishte rrugës për në Shqipëri me dy agjentë të “ICE-së”, shkruan freep.com.
“Fëmijët e mi janë shkatërruar. Ata nuk ndalojnë së qari, “tha Petër Gojçeviç për Free Press të enjten në mëngjes. “Fëmijët e mi janë traumatizuar.”
Të mërkurën, Gojçeviç e dinte se diçka ishte e çuditshme kur mori një telefonatë nga një i burgosur në burgun e Qarkut Calhoun, duke e informuar atë se gruaja e tij, Cile Precetaj, ishte marrë nga agjentët e ICE.
Për orë të tëra ai shqetësohej për atë që po ndodhte dhe se ku kishte shkuar gruaja e tij. Më vonë atë natë, tha Gojçeviç, një zyrtar burgut i tha se gruaja e tij ishte transportuar në Detroit. Asnjë informacion tjetër nuk i ishte dhënë, transmeton Tirana Today.
Gojçeviç përfundimisht do të mësonte nga rrëfimet e gruas së tij, se pesë agjentë ICE e dërguan atë në burgun e Qarkut Calhoun të mërkurën, e lidhën atë dhe e çuan në Detroit për ta përgatitur për largimin nga Shtetet e Bashkuara. Dy agjentë ICE, tha ai, shkuan me të. Gruaja i rrëfeu bashkëshortit se agjentët e ICE e paralajmëruan atë të mos bënte asnjë zhurmë ndryshe ata do t’i mbyllnin gojën.
Zëdhënësi i ICE Khallid Walls nuk ishte në dispozicion për koment. Agjentët e ICE kishin thënë më parë se agjencia ICE i njofton anëtarët e familjes përpara se një i afërm të deportohet.
Të mërkurën, kur Press Free pyeti se pse Precetaj u hoq nga burgu i Qarkut Calhoun, agjentët e ICE refuzuan të komentonin mbi specifikat e rastit, duke cituar politikën e agjencisë për të mos komentuar statusin e një urdhri deportimi deri pas largimit të një personi nga vendi. Megjithatë, agjentët e ICE kanë thënë se zakonisht, anëtarët e familjes janë njoftuar paraprakisht, transmeton Tirana Today..
Pse familja e zonjës Precetaj nuk ishte e informuar për dëbimin e saj nuk dihet. Familja është në tronditje, dhe është shtangur.
Cile Precetaj, një emigrante shqiptare, ishte një prej shumë nënave të mbyllura në burgun e Qarkut Calhoun në pritje të dëbimit. Të gjithë kanë fëmijë të lindur në Amerikë.
Precetaj, 46 vjeç, ka kërkuar azil në SHBA që nga viti 2000 dhe nuk ka të dhëna kriminale. Ajo u shpëtua nga dëbimi në vitin 2014 me një urdhër ekzekutiv, por u arrestua më 26 prill gjatë një vizite rutinë mujore në zyrën e ICE në Detroit, shkruan clickondetroit.com.
Tre fëmijët e saj, të moshës 8, 10 dhe 16 vjeç, jetojnë me babanë e tyre, Pete, një emigrant jugosllav që ka jetuar në SHBA për 30 vjet dhe zotëron një restorant. Rasti i saj është aktualisht në apel në Gjykatën e Apelit të Qarkut të 6-të të SHBA. Në kërkesën e saj për azil, ajo pretendonte se ajo kishte frikë për jetën e saj në Shqipëri dhe se familja e saj kërcënohej vazhdimisht nga grupe kriminale që kërkonin ta rrëmbejnë dhe ta bënin atë një prostitutë. Ajo gjithashtu ka shprehur frikën për një ish të fejuar abuziv që kishte lënë në Shqipëri.
Gjykatat kanë mohuar në mënyrë të përsëritur kërkesën e saj për azil dhe nuk e kanë konsideruar të besueshëm rrëfimin e saj. TIRANA TODAY
