Amerikanët nderojnë ushtarët që kanë humbur jetën në luftëra, sot për ata është Dita e të Rënëve.
Presidenti Donald Trump mori pjesë tek një ceremoni në varrezat kombëtare të Arlingtonit, pranë Uashingtonit ku vendosi një kurorë tek varri i ushtarit të panjohur.
Trump tha se kjo është një ditë kur kujtohen burrat dhe gratë që bënë sakrificën më të madhe me shërbimin e tyre.
Dita e të Rënëve në Shtetet e Bashkuara kremtohet të hënën e fundit të majit. Kjo ditë që nderon të rënët në luftë u shpall festë federale në vitin 1971.
