Shkalla e vaksinimit në të gjithë SHBA-në ka rënë në nivelet më të të ulëta javët e fundit, duke kërcënuar qëllimin e Presidentit Joe Biden që është 70 përqind e të rriturve amerikanë të vaksinohen me të paktën një dozë deri më 4 korrik.
Qendrat për kontrollin dhe parandalimin e sëmundjeve raportuan të enjten se 63 përqind e të rriturve morën dozën e tyre të parë të një vaksine COVID-19, vetëm pak më shumë se 62 përqind një javë më parë. Dymbëdhjetë shtete, përfshirë Utah, Oklahoma, Montana, Dakota dhe West Virginia, kanë parë se si numri i vaksinave të injektuara të bjerë në 15 doza ditore për 10,000 banorë; sipas të dhënave nga Washington Post, vetëm katër persona për çdo 10,000 banorë u vaksinuan në Alabama javën e kaluar.
” Ata njerëz që absolutisht donin të vaksinoheshin pa qenë nevoja t’u thuhej asgjë tashmë janë vaksinuar dhe kjo gjë që ka çuar në ngadalësim”- tha Dr. Anthony Fauci, eksperti kryesor i qeverisë për sëmundjet infektive./Tirana Today
