Presidenti i Kosovës, Hashim Thaçi po qëndron në Shtetet e Bashkuara të Amerikës, ku ka marrë pjesë në “Lutjet e Mëngjesit”. Thaçi gjatë qëndrimit në SHBA ka takuar edhe mikun e Kosovës, William Walker. Për këtë, presidenti ka shkruar edhe në “Facebook”.
Ndër të tjera Thaçi shkruan se miku i Kosovës ka mirënjohje të thellë për kontributin ne luftën e Kosovës në vitin 1999.
Postimi i Thaçit:
Në SHBA, Kosova ka shumë miq. Është kënaqësi të bisedosh për të arriturat dhe aspiratat e shtetit të Kosovës me njerëzit që e kanë në zemër dhe punojnë për të, siç është z.William Walker.
Në prag të dhjetëvjetorit të shpalljes së pavarësisë së Kosovës, e kujtojmë me mirënjohjen më të thellë angazhimin e tij për Kosovën, si në vitin 1999, ashtu edhe sot. HTH
