Një zyrtar i Shtëpisë së Bardhë ka konfirmuar se Koreja e Veriut ka kryer testimin e radhës të një rakete balistike me rreze të mesme veprimi, përkundër kërcënimeve për sanksione më të ashpra amerikane.
“Ne jemi të vetëdijshëm se Koreja e Veriut ka lëshuar sistemin MRBM. Ky sistem, së fundit ishte testuar në shkurt dhe ka rreze më të vogël veprimi se raketat e lëshuara në tri testet e fundit të Koresë së Veriut”, tha ky zyrtar amerikan në Arabinë Saudite, ku presidenti i Shteteve të Bashkuara, Donald Trump, po qëndron për vizitë dyditëshe.
Më herët, zyrtarët e Koresë e Jugut kanë raportuar për këtë test, ndërsa zyrtarët më të lartë ushtarakë të këtij vendi thanë se raketa kishte fluturuar afro 500 kilometra.
Ky test u bë vetëm një javë pasi një zhvillim i ngjashëm u dënua ndërkombëtarisht, ndërsa Uashingtoni tha se mund të imponohen sanksione të reja kundër Phenianit.
