Ralph Blaine Smith vuajti dënimin me 21 vite burg në Ohajo të Shteteve të Bashkuara, për një krim që në fakt nuk ndodhi kurrë. 45-vjeçari, u akuzua si një ndër dy personat që hynë me armë në një shtëpi në Lancaster ku ndodhej një familje me fëmijët e tyre, në shkurt të vitit 2000, shkruan Columbus Dispatch.
Të dyshuarit, thuhet se detyruan një nga të rriturit të hapte një kasafortë në bodrum, nga e cila vodhën libra të rrallë komik dhe afro 10,000 dollarë para në dorë. Megjithatë, çështja e prokurorisë kundër Smith ishte bazuar tërësisht në dy nga personat që e identifikuan atë nga një formacion fotografik, pa asnjë provë tjetër që e lidhte atë me krimin.
Nuk kishte prova të tjera që e lidhnin Smithin me krimin dhe askush tjetër nuk u akuzua kurrë në këtë çështje. Asnjë nga artikujt e vjedhur nuk u gjet kurrë. Sidoqoftë, gjykata e dënoi Smith për akuza të shumta të grabitjes së rëndë, vjedhjes së rëndë dhe rrëmbimit.
Por muajin e kaluar, një gjykatës i Qarkut Fairfield, Richard Berens derklaroi se prokurorët kishin prova që sugjeronin se krimi mund të ishte inskenuar, dhe atij iu ofrua një gjykim i ri. “Katër grupe dëshmitarësh në afërsi të përkohshme të ngjarjeve të pretenduara, nuk ishin në gjendje të raportonin asgjë të pazakontë,” tha Berens.
Ndërkohë, avokati i Smith, Joe Landusky, u shpreh se një hetues privat zbuloi shumë nga provat që prokurorët nuk i zbuluan gjatë gjykimit të Smith në gusht të vitit 2000.
Përmbledhja hetimore e paraqitur nga një prej oficerëve të policisë në Lancaster, përgjigjur vuri në dukje “mungesën e gjurmëve të freskëta në dëborë” jashtë shtëpisë ku thuhet se ndodhi grabitja dhe se pjesa e brendshme e shtëpisë nuk dukej se ishte plaçkitur.
Një shtesë narrative e shkruar nga një prej oficerëve të parë që iu përgjigj grabitjes së raportuar, përmban vëzhgime të shumta që shprehin skepticizëm nëse ka ndodhur një krim”. Si rezultat, Smith u la i lirë.
