Egjipti i Mohamed Salah mori një fitore të thellë 4-1 ndaj Swaziland për kualifikueset e Kupës së Kombeve të Afrikës. Ylli egjiptian u bë protagonist në këtë sfidë duke shënuar një gol të jashtëzakonshëm nga goditje këndi por në fund të takimit ai ka lënë fushën i dëmtuar.
https://twitter.com/FPLFujtown/status/1050821220294451200
Salah u ul në fushë dhe reklamoi se shqetësimi i tij ishte në kofshë, por ende nuk dihet shkalla e dëmtimit. Ai qëndroi për disa minuta jashtë fushe duke marrë ndihmën e mjekëve por në fund u dorëzua duke u larguar direkt për në dhomat e zhveshjes.
Hipotezat e para është që ai do të mungojë për ndeshjen e kthimit të Egjiptit po kundër Swaziland më datë 16, por dyshohet për ndonjë tërheqje muskulore që mund ta mbajë më gjatë larg fushës.
Nëse shkalla e tij e dëmtimit përcaktohet të jetë reale dhe që do e mbajë larg fushës, kjo mund të jetë një mundësi ideale për Xherdan Shaqirin që të luajë si titullar te Liverpool, duke qenë se prania e egjiptianit ia kufizon minutat sulmuesit shtatshkurtër.
