Xherdan Shaqiri ka qenë më i mirë në fushën e lojës për Liverpool në përballjen e Champions League ndaj Crvena Zvezdas deri në këto minuta edhe pse nuk ka shënuar. Ai ishte protagonist në golin e parë të shënuar nga Firmino, pasi nga këmbët e tij erdhi ai vertikalizim për Robertson. Ky i fundit asistoi për brazilianin.
Në minutën e 45` të ndeshjes, Shaqiri u bë protagonist, pasi dha asistin e golit të dytë për Liverpool, që dyfishoi me Salah. Shaqiri merr një pas nga jashtë zone dhe menjëherë e shërben te Salah, që ndodhet afër portës kundërshtare. Futbollisti egjiptian dërgon topin në rrjetë, duke i çuar shifrat në 2-0 kundër skuadrës serbe.
Sakaq asisti i Xherdan Shaqirit për golin e dytë, duhet të ketë tërbuar jo pak serbët. Tifozët e kanë kontestuar dhe sulmuar jo pak futbollistin me orgjinë shqiptare, që luan për Liverpool dhe përfaqësuesen e Zvicrës.
