Liverpool u eliminua nga FA Cup pasi u mund nga Wolves me rezultatin 2-1, në një ndeshje ku vendasit kaluan në avantazh që në pjesën e parë, dhe shënuan sërish në të dytën edhe pse Origi barazoi shifrat përkohësisht.
Për 90 minuta në këtë sfidë u aktivizua edhe Xherdan Shaqiri, i cili ishte pak milimetra larg golit që do e shpëtonte skuadrën e Jurgen Klopp nga eliminimi. Sulmuesi zviceran me origjinë shqiptare, mori përsipër të ekzekutojë një goditje të lirë dënimi në minutën e 69’ të ndeshjes.
Shaqiri goditi fort dhe saktë me të majtën e tij, por portieri John Ruddy fluturoi deri në trekëndësh aq sa për të bërë një prekje milimetrike të topit duke e devijuar në shtyllën pingule dhe i mohoi një supergol 27-vjeçarit.
