Merkato e verës për Xherdan Shaqirin ka qenë mjaft e nxehtë, që nga momenti që ai lajmëroi se dëshironte të largohej nga Stoke City. Liverpool ka qenë gjithmonë mjaft i interesuar për të dhe duket se tani gjithçka do të finalizohet me sukses.
Në ditët e fundit ishte Lazio që bëri një sulm për Shaqirin, por ky i fundit e ka bërë të qartë se dëshiron ta vazhdojë karrierën në Premier League. Negociatat mes Liverpool dhe Stoke City duket se kanë avancuar shumë dhe janë afruar shumë diferencat që ishin mes kërkesës dhe ofertës, e cila besohet të jetë rreth 15 milionë euro, aq sa ishte edhe klauzola e Xherdanit.
Jurgen Klopp i admiron shkathtësitë e Shaqirit në sulm dhe e dëshiron atë në skuadër, sidomos kur bëhet fjalë për një tarifë kaq të vogël. 26 vjeçari pritet të zyrtarizohet si lojtar i Liverpool në ditët e ardhshme, me shumë gjasë në fundjavë. Shaqiri më parë ka luajtur edhe për Bayer Munich dhe Interin.
