Kritiku më i madh i Xherdan Shaqririt, Gary Neville është ‘detyruar’ që të veshë fanellën e tij në një emision live. Ish-mesfushori i Manchester United vazhdimisht ka këmbëngulur se shqiptari nuk ishte një lojtarë për të luajtur në nivele të larta, por Shaqiri që në ndeshjen e parë me “The Reds” vërtetoi të kundërtën.
Gary Neville ishte kritikuesi më i madh i Xherdan Shaqirit, pasi shqiptari u konsiderua një blerje mjaft cilësore e Liverpoolit. Kolegu i tij në rolin e analistit në Sky Sports, Jemie Carragher, vazhdimisht e ka kundërshtuar këtë ide dhe mbështeste fort suksesin e lojtarit të ri të Liverpoolit.
Neville humbi një bast me Carragher në goditjet e 11-metërshave dhe kushti i vënë nga ish-futbollisti i Liverpoolit ishte që ai të vishte në studio fanellën e Shaqirit, ku shqiptari i kishte shkruar një mesazh: “Për Garyn, fansin tim numër një. Të lutem mos e kthe mbrapa. Më vjen keq, por të lutem mos u kthe mbrapa në këtë bast, Xherdan Shaqiri”.
Pak minuta pas ndeshjes në analizën për Sky Sport, ku ishin të pranishëm Neville dhe Carragher, ky i fundit e ka bindur ish anëtarin e Manchester United të veshë fanellën e Shaqirit, ndërsa Carragher në shenjë solidariteti me të ka veshur fanellën e “Djajve të Kuq”.
