Kroatët e pranojnë potencialin e Skënderbeut dhe flasin me këmbë në tokë. Trajneri kroat i Dinamos së Zagrebit, Mario Cvitanoviç një ditë para ndeshjes në “Elbasan Arena”, thotë se nuk do të ishte tragjedi edhe nëse skuadra e tij do të eliminohej nga korçarët.
“Nuk e nënvlerësuam Skënderbeun në Zagreb, rivali luajti mjaft mirë, tani shpresoj që të luajë më dobët. Nuk ka vlerë të bëjmë krahasime mes dy epokave, Skënderbeu i para dy viteve ishte ndryshe, edhe Dinamo ishte ndryshe. Nuk kam emocione, edhe pse është ndeshja ime e parë kaq e rëndësishme. Duam grupet e Europa League dhe do të japim gjithçka. Nuk bëjmë asnjë llogari, nuk na intereson asnjë rezultat, veç fitores. Gjithsesi, humbja nuk është tragjedi, nuk e quaj kështu. Tragjedi është nëse të ndodh diçka në familje, jo në futboll” – ka deklaruar mes të tjerash tekniku i Dinamo Zagreb.
Në lidhje me atentatin e djeshëm ndaj Zdravko Mamiç, Cvitanoviç tha: “Nuk kam fjalë për ngjarje të tilla, nuk mjafton Tv, të them që i dënoj ashpër. Uroj që skuadra të mos jetë e ngarkuar mendërisht, edhe pse kam frikë se kjo ngjarje do ta dëmtojë skuadrën dhe motivimin e saj”.
