Kryeministri Rama, i shoqëruar nga bashkëshortja e tij, Linda Rama, kanë votuar në Surrel, në zonën ku banojnë. Ai e cilësoi si një ditë të rëndësishme, dhe se me popullin nuk luhet.
“Sot është shumë herë më e rëndësishme Shqipëria dhe mësimi historik që do ti jap të gjithëve, sesa vota për njëri-tjetrin që është e fshehtë. Besoj se kjo ditë konfirmon një herë e përgjithmonë se me popullin nuk luhet.
Sot është e rëndësishme që çdo qytetar të votojë, ose të mos votojë, por të respektojë të drejtën e kujdo për të votuar ose për të mos votuar. Historia solli që këto zgjedhje të jenë për Shqipërinë që duam, për të gjithë fëmijët tanë.
Unë jam i bindur se sot në Shqipëri po ndodh diçka historike, dhe është një mësim që nuk do harrohet nga asnjë politikan dhe kurrë më interesat e një pale apo hesapet e politikës nuk do ti bien interesit kombëtar”.
