Këtë sezon veror në jug të vendit për pushuesit vendas dhe te huaj është shtuar një itinerar i ri transportit ujor për të shijuar mrekullitë e bregdetit të jugut.
Linja e tragetit Himarë-Sarandë-Korfuz dhe anasjelltas do të jetë në funksion deri në muajin shtator. Lajmi u konfirmua nga Drejtori i portit të Vlorës, Admir Malaj
“Një risi do të jetë linja e re nga Himara në Sarandë në Korfus. Kjo është një risi që do t’i shërbejë shumë turizmit sidomos në qytetin e Himarës. Besoj se në ditët e para të korrikut nis edhe linja e re” u shpreh Malaj.
Malaj shtoi se në planin e masave për të përballuar fluksin është parashikuar edhe shtim i orëve të shërbimit në portin e Vlorës.
“Kemi marrë masat që çdo gjë të jetë në rregull dhe të mos ketë probleme .Kemi bashkërenduar punën me policinë dhe doganat. Do të ketë staf të shtuar dhe orë rë zgjatura,” shtoi Malaj.
Deri tani fluksi i udhëtarëve është rreth 250 – 500 udhëtarë në ditë. Ndërsa në muajt në vazhdim portit të Vlorës do t’i shtohet një traget i dytë për përballimin e fluksit.
