Një ditë para protestës masive të opozitës së bashkuar, vjen reagimi i Ambasadës Amerikane në Tiranë.
Në një postim në Facebook, ambasada u bën thirrje personave të përfshirë në protestën e së shtunës që të refuzojnë dhunën për të siguruar një protestë paqësore dhe konstruktive.
“E drejta për t’u përfshirë në protesta paqësore është një e drejtë themelore demokratike. Përgjatë muajve të fundit, pjesa më e madhe e pjesëmarrësve kanë ushtruar të drejtën e tyre për të protestuar paqësisht. Megjithatë, në çastin kur një protestë paqësore njolloset nga një akt dhune, qoftë edhe nga një individ, qëllimi demokratik i protestës kompromentohet. Është e paligjshme dhe jo demokratike të kryesh akte dhune, përfshirë edhe shkatërrimin e pronës. Iu bëjmë thirrje të gjithë personave të përfshirë në protestën e së shtunës që të refuzojnë dhunën për të siguruar një protestë paqësore dhe konstruktive”, shkruhet në reagimin e ambasadës së SHBA-së.
Kryemadhi deklaroi mbrëmë se 11 maji do të jetë edhe më i fuqishëm se 97-ta, duke paralajmëruar trazira.
