Një prej themeluesve të Partisë Socialiste, Servet Pëllumbi ka komentuar takimin e kryeministrit Rama me ish-kryeministrin Fatos Nano.

Pavarësisht se është një nga kontestuesit e mëdhenj të Nanos, Pëllumbi tha se mesazhi i ish-kreut të PS-së për 26-vjetorin e partisë ishte në momentin e duhur:

“E vlerësoj pozitivisht përshëndetjen e Nanos si një gjest reflektimi. Ishte një gjest që ai duhej ta bënte dhe e bëri. Mesazhi i Fatos Nanos, ishte në momentin e duhur dhe në interes të anëtarit të PS dhe elektoratit. Ka faktorë që e bëjnë të pashmangshme përplasjen dhe përçarjen, por ndonjëherë përçarja ndikon pozitivisht. Si në këtë rast të tanishëm”.