Një tjetër tërmet me magnitudë rreth 4 ballë është ndjerë sot në kufirin e vendit tonë me Maqedoninë. Tërmeti është ndjerë në njësinë administrative Ostren i Madh, në Bashkinë Bulqizë, në komunën e Kërçovës edhe në Devoll.
Lëkundjet kanë tmerruar banorët, të cilët kanë dalë jashtë të frikësuar. Mësohet se lëkundjet kanë zgjatur rreth 10 sekonda, ndërsa nuk raportohet për dëme materiale.
Tashmë, banorët i frikësohen shpërthimit të mundshëm të vullkanit “Duvallo” në fshatin Kosel për shkak të lëkundjeve të shpeshta.
Vetëm brenda 3 javësh, në Maqedoni janë regjistruar mbi 1.000 tërmete.
