Thellohet përplasja mes presidentit Meta dhe qeverisë Rama. Kjo pasi Komisioni i Ekonomisë i ktheu sot dekretin për Vitore Tushën, e cila u propozua nga Meta për kreun e Kontrollit të Lartë të Shtetit.
Kthimi është bërë me arsyetimin se Tusha nuk ka përvojë financiare, një element thelbësor ky për këtë post. Sipas kreut të Komisionit të Ekonimisë, Erjon Braçe, emërimi i Tushes do të rrezikonte vijimin normal të krijimit të organeve të reja të drejtësisë në Shqipëri. Tusha ka përvojë vetëm në fushën juridike.
Vitore Tusha është anëtarja e vetme e Gjykatës Kushtetuese që kaloi vettingun, pasi dje u shkarkua kryetari Bashkim Dedja.
