Para pak kohësh, kryeprokurorja Arta Marku caktoi në krye të prokurorisë së Tiranës Dritan Rreshken. Brenda kësaj prokurorie ka pasur sërish lëvizje, teksa Valentin Preçi dhe Kasem Berberi janë komanduar si shefa seksionesh.
Preçi ka marrë postin e shefit të seksionit kundër pronës, ndërsa Berberi ka marrë postin e shefit të ekzekutimeve të vendimeve penale. Dritan Rreshka mori drejtimin e Prokurorisë së Tiranës më 29 dhjetor 2017, pasi kryeprokurorja Arta Marku largoi drejtuesin e mëparshëm Petrit Fusha.
Ndërkohë, pak ditë më parë u bënë ndryshime të drejtuesve dhe në prokurorinë e Elbasanit, Kukësit, Durrësit e Fierit.
