Trafikantët e drogës duket se kanë zgjedhur një metodë efikase deri tani duke e transportuar atë me kontejner. Pas sekuestrimit të 613 kilogram kokainë në portin e Durrësit, trafikantët ndërkombëtarë nuk heqin dorë nga transporti i drogës me kontejner.
Policia holandeze njoftoi sot për kapjen e 230 kilogramë kokainë në portin e Roterdamit, të fshehur në një kontejner që vinte nga Brazili dhe që kishte për destinacion Britaninë e Madhe.
Roterdami, që ndodhet në veriperëndim të Holandës dhe është porti më i madh në Evropë që është përballur me kapje të sasive të mëdha të drogës kohët e fundit.
Në tetor të vitit të kaluar, 400 kilogramë kokainë u kapën, edhe këto të fshehura në një kontejner me prejardhje nga Brazili, raporton ata.
Po ashtu në nëntor, 600 kilogramë drogë u zbuluan në një magazinë pranë portit, pranë qytetit Delft.