Tashmë marrëdhëniet e mira mes Serbisë dhe Rusisë, janë shumë të dukshme dhe gjithnjë e më shumë po deklarohen hapur. Edhe pse SHBA është kundër idesë së uljes së Serbisë në dy karrige, kjo e fundit e ka në të “vështirë”, ta identifikojë vetën pa dashurinë e saj për shtetin Rus. Edhe dje gjatë një takimi në Austri, ministri i Jashtëm Ivica Daçiç një ditë më parë ka shfrytëzuar mundësinë për të pasur një bisedë të shkurtër me ministrin e jashtëm rus Sergei Lavrov, ndërsa ata ndodheshin në Vjenë për Këshillin Ministror të 24-të të OSBE-së.
Tanjug raportoi se Daçiç gjeri rastin të fliste me Lavrov disa minuta përpara fillimit të seancës plenare të Këshillit. Sipas agjencisë, Viena është sot qendra e diplomacisë botërore, ku 41 ministrat e jashtëm marrin pjesë në mbledhjen e OSBE, duke përfshirë Lavrov dhe sekretarin e shtetit të SHBA Rex Tillerson.
Kriza ukrainase, por sigurisht edhe vendimi i së mërkurës nga SHBA për të njohur Jerusalemin si kryeqytetin e Izraelit, do të dominojë në diskutimin, tha Tanjug. Me këtë konferencë, Austria po përfundon kryesimin e saj njëvjeçar të OSBE-së dhe ia dorëzon Italisë.
Qeveria serbe njoftoi më herët se temat kryesore të këtij viti Këshillit Ministror do të jenë “mos-hapja e konflikteve, forcimi i besimit midis vendeve pjesëmarrëse dhe lufta kundër radikalizimit”. Në periferi të ngjarjes, Daçiç do të ketë një sërë takimesh dypalëshe me ministrat e vendeve anëtare të OSBE, tha Ministria e Punëve të Jashtme në një deklaratë.TIRARA TODAY
