Presidenti serb Aleksandër Vuçiç ka ofruar ndihmën e tij pas “pushtimit” të Shqipërisë nga uji.
Vuçiç ka thënë se Serbia është e gatshme t’i ofrojë ndihmë teknike Shqipërisë në parandalimin e pasojave më të mëdha nga kjo katastrofë natyrore
Po ashtu, në njoftimin e Presidencës së Serbisë thuhet se Vuçiç ka shprehur keqardhje për shkak të përmbytjeve.
Serbia nuk është i vetmi shtet që shprehet i gatshëm t’i ofrojë ndihmë vendit tonë, teksa edhe Kosova është e treguar e gatshme, madje ka nisur forcat emergjente të MPB-së, të cilët kanë arritur në Fier. Edhe FSK-ja është e gatshme t’i ofrojë mbështetje Forcave të Armatosura të Shqipërisë.
Edhe Mali i Zi ka shprehur keqardhje dhe gatishmëri për të ndihmuar Shqipërinë në përballimin e situatës:
“Qeveria e Malit të Zi do ndihmojë brenda mundësive Shqipërinë nga përmbytjet. Fatkeqësitë natyrore nuk zgjedhin vendin dhe kohën dhe ne do tregojmë solidaritet me fqinjët tanë”, ka thënë presidenti malazez Markoviç.
Rreziku nga përmbytjet nuk ka kaluar ende, teksa edhe sot vijon evakuimi i banorëve të rrezikuar, ndërsa dëmet ekonomike janë të shumta.
