Pas kualifikimit të Australisë për në Botëror ka mbetur edhe një vend i lirë për të plotësuar 32-shen, i cili do të jetë i Perusë ose i Zelandës së Re. Por me shumë gjasa do të jenë peruanët që do të triumfojnë në ndeshjen që do të zhvillohet sonte, pas mesnatës në fushën e tyre. Ndeshja e parë mes këtyre dy ekipeve ka përfunduar me rrjeta të paprekura. Por çfarë ndodh në rast se kualifikohet njëra apo tjetra sa i përket ndarjes së vazove në të cilat do vendosen, pasi do të enë 4 vazo me nga 8 ekipe, duke u klasifikuar në bazë të kokave të grupit.
Perusë që ka më shumë gjasa, Danimarka e sapokualifikuar do të zbresë në vazon e tretë, ndërsa Serbia në vazon e fundit pra atë të 4-t. Këto dy përfaqësuese kanë nisur të kryqëzojnë gishtat dhe që Zelanda e Re të bëjë surprizën në këtë përballje në mënyrë që të ngjiten nga një vazo më lart dhe të kenë një short sa më të favorshëm. Kur hedh një sy vazove e kupton që në Kupën do të kemi përballje të zjarrta që në fazën e grupeve, pasi Spanja bën pjesë në vazon e dytë ashtu si përfaqësuesja të tjera me emër si Uruguai, Zvicra, Kroacia, Kolumbia e Meksika. Në vazon e tretë ka gjithashtu disa skuadra të forta ku spikatin Suedia, Islanda e Kosta Rica.
