Analisti, Shpëtim Nazarko deklaroi sot se SHISH prej kohesh është në dorën e shërbimeve partnere dhe çdo person që punon aty duke përfshirë dhe kupolën drejtuese janë të kontrolluar nga ndërkombëtarët. Në një interviste për rubrikën “Opinion” në News 24, Nazarko tha se dhe Visho Ajazi është një person që dosja e të cilit është e survejuar shumë mirë nga partnerët ndërkombëtare dhe jo më kot është propozuar për të qenë pjesë e strukturave të NATO-s.
Nazarko: Visho Ajazi ka qenë një person që është rekomanduar nga PD-ja ndaj dhe socialistët nuk kishin një dëshirë të madhe që ta shikonin në krye të SHISH. Në nuk mund të largojmë shefin e SHISH kur duam në. Biografia e Ajazit është shume më e kontrolluar se sa duam në. Dosja e Ajazit është e kopsitur nga ndërkombëtarët dhe fakti që ai shkon në strukturat e NATO-s tregon së të huajt dhe aleatët tanë kanë besim te aftësitë e tij. SHISH prej kohësh është në dorën e shërbimeve partnere dhe kontrollohet prej atyre.
Për çështjen e kanabizimit Nazarko u shpreh se ishte një farë kohe që u kthye në sport kombëtar. Ndërsa për çështjen tahiri ai deklaroj se mënyra se si u paraqit në media e favorizoi atë të fundit. Gjithashtu, Nazarko hodhi idenë së italianët n.q.s kanë hetim të plotë për Tahirin nuk ja japin ato drejtësisë shqiptare por i përdorin informacionet për ti bërë presion qeverisë për favore të caktuara kur të kënë nevojë.
Nazarko: Kanabizimi ishte kthyer në një sport kombëtar. Për të ruajtur kanabisin nuk është vetëm policia. Historia e Saimir Tahirit më është dukur si një histori ufo-je sepse një njeri që ka në dorë miliona nuk mund të përfshijë makinën e tij për punë të qëllimshme. Mënyra e shfaqjes së provave në media lehtësoi çështjen e Saimir Tahirit.
Rasti i Tahirit nuk më rezulton që organet e drejtësisë italiane nuk kanë bërë një dosje për Tahirin të kompletuar që ai të arrestohet. Në këto raste shtetet i përdorin dosje të tilla për ti bërë presion qeverisë së radhës për të marrë atë që duan.
Në rastin Tahiri prokuroria nuk ka hetime të plota dhe ka ngritur akuza mbi ato që janë bërë publike por pa hetime të plota. Në Kavajë Partia Socialiste ka marrë përgjegjësi politike sepse në atë qytet ajo I humbi zgjedhjet. Dimë shumë mirë se për 25 mijë vjet është parë një vjedhje e madhe e pronave.
Analisti kritikoi ekzekutivin kur tha se “qeveria shqiptare gaboi në mënyrën se si e hartoj buxhetin e vitit 2018 sepse një buxhet vertikal është një buxhet i vendeve komuniste“.
