Ish-atasheu shqiptar në Turqi, Hajro Limaj, është shprehur se agjenturat serbe dhe greke hedhin valle në mes të Tiranës. I ftuar në “Arena” nga Dritan Hila në “Ora News”, ai tha se Greqia investon shumë në Shqipëri për agjenturën e saj. Limaj hodhi “shashkën” e radhës, duke thënë se politikanët zihen në Tiranë dhe të nesërmen shkojnë në Athinë.
“Shteti grek investon shumë në Shqipëri për agjenturën e saj, siç e ka pasur vazhdimisht. Kjo është e padiskutueshme. I përdorën në të gjitha format, dhe të gjitha fushat në pozicione të rëndësishme.
Aty pati një konflikt midis Ministrit të Mbrojtjes dhe të Jashtëm, dhe më pas i detyruo Ministri i Jashtëm të sqarojë se si merret ky buxhet.
La të kuptohej mjaft mirë që këto para çohen në destinacionet përkatëse, për të mbajtur agjenturën e tyre dhe për të krijuar të re.
Agjentura serbe dhe ajo greke prej vitesh hedhin valle në mes të Tiranës. Kemi politikanë që zihen në Tiranë, dhe të nesërmen shkojnë në Athinë. Po të kishte shtet dhe të vepronte siç duhet shërbimi informativ, ata do të ishin brenda. Është Rusia, është Turqia. Vitet e fundit, Turqia në Shqipëri dhe botën shqiptare është shumë aktive”.
