Prokuroria e Përgjithshme ka reaguar pas emisionit “Opinion”, nëse ka apo jo një hetim apo urdhër-arrest për Vangjush Dakon. Ky institucion deklaron se nuk ekziston asnjë fletë-arresti për kreun e Bashkisë së Durrësit, Vangjush Dako.
Më herët, ishte zv/ministri i Brendshëm, Julian Hodaj, i cili u shpreh në studion e emisionit se nuk ekziston asnjë mandat arresti ndaj Dakos, duke përgënjeshtruar PD-në.
Kjo e fundit tha se ka të paktën 24 orë që fletë-arresti për Vangjush Dakon është prerë, por ekzekutimi i tij është bllokuar.
Hodaj tha në studion e emisionit “Opinion”, se policia nuk mund të refuzojë një urdhër-arresti të lëshuar nga Prokuroria, dhe për rrjedhojë të mos arrestojë kryebashkiakun e Durrësit.
