I ndodhur në Gjirin e Bengalit në Oqeanin Indian, ishulli Sentinel është një nga vendet më të izoluara në tokë. Ai banohet nga fisit Sentinelez, që cilësohet si më i rrezikshmi në botë. Ishulli bëri bujë në mediat ndërkombëtare në vitin 2006, pasi fisi vrau 2 peshkatarë që kishin zbarkuar në mënyrë të paligjshme në ishull. Ndërkohë vetëm pak ditë më parë, ata vranë një turist amerikan.
Edhe pse jemi në vitin 2018, këtij fisi i ka mbetur ora në epokën e gurit. Ata merren vetëm me gjueti, dhe nuk e njohin bujqësinë. Ushqehen me arra kokosi, peshq, zogj dhe breshka që mund të gjenden në ujërat e cekët rreth brigjeve. Popullsia e këtij ishulli, vlerësohet te jetë rreth 250 persona.
Pas cunamit në Oqeanit Indian në vitin 2004, u mendua se Sentinelezët mund të ishin zhdukur. Po ata mbijetuan. Kur një helikopter i marinës indiane, arriti në ishull 3 ditë më pas për të kontrolluar situatën dhe hedhur ushqime, një luftëtar Sentinelez doli nga xhungla dhe e kërcënoi helikopterin me një hark dhe shigjetë, një shenjë e qartë që ky fis nuk do ndihmë nga të huajt.
Për shumë turistë, ishulli konsiderohet një destinacion turistik, por autoritetet paralajmërojnë se edhe vizita më e shkurtër mund të ketë pasoja fatale për ta.
