Presidenti Donald Trump deklaroi se ka propozuar zonjën Kathleen Ann Kavalec nga Kalifornia si ambasadore e SHBA-ve në Shqipëri.
Lajmi u përhap shpejt në median shqiptare dhe të gjithë nxituan që të bëjnë një profil të zonjës e cila për shqiptarët është e panjohur.
Mediat deri më sot i kanë prezantuar publikut vetëm arritjet e kësaj zonje duke shquar se është një njohëse e mirë e politikave të Rusisë.
Sot zbulohet një tjetër fakt “tronditës” për zonjën Kathleen Ann Kavalec e cila pritet të vijë së shpejti si ambasadore në vendin tonë.
Kathleen Kavalec është nën hetim bashkë më 9 zyrtarë të tjerë amerikanë për (abuzime FISA), institucioni i cili akuzohet se nuk parandaloi ndikimin rus në zgjedhjet presidenciale amerikane.
Me sa duket ambasadorja e re e SHBA-ve që do të vijë në Tiranë ka qenë pjesë e skuadrës që punonte si për “Aktin e Mbikëqyrjes së Inteligjencës së Huaj (FISA).
FISA akuzohet në SHBA se ka dhënë informocine të rreme ndaj qeverisë së saj dhe ka zëra se “është e lidhur shumë më Rusinë”. Që zonja Kavalec është nën hetim e vërteton edhe një lëtërkëmbim që qarkullon brenda dhomës së përfaqësuesve.
Ish spiuni britanik që punonte kundër kandidatit Donald Trump, kishte vizituar Departamentin e Shtetit dhe kjo ishte fshehur. Pjesë e këtij hetimi është edhe kandidatja për ambasadore në Tiranë, Cathelen Calavec
Kujtojmë se zonja Kavalec aktualisht shërben si Zëvendës Ndihmës Sekretare në Zyrën e Çështjeve Evropiane dhe Euroaziatike në Departamentin e Shtetit me mbi tre dekada përvojë si diplomate.
Më parë ka shërbyer si Drejtoreshë e Zyrës së Çështjeve të Rusisë, Zëvendës Shefe e Misionit të SHBA në UNESCO në Paris, Zëvendës Koordinatore e Ndihmës në Zyrën e Çështjeve Evropiane dhe Drejtore për Parandalimin e Konflikteve në Zyrën e Koordinatorit për Rindërtimin dhe Stabilizimin.
Zonja Kavalec ka mbaruar Universitetin e Kalifornisë në Berkeley dhe ka një master nga Universiteti Georgetoën.
Flet rrjedhshëm gjuhët frënge, rumune, ukrainase, ruse, spanjolle dhe portugeze.
TIRANA TODAY
