Senati Akademik i Universitetit të Tiranës ka lëshuar një deklaratë ku rikonfirmon mbështetjen e studentëve, si dhe garanton të drejtën e tyre dhe të personelit akademik për zhvillimin normal të procesit mësimor.
Në një deklaratë prej 6 pikash, ky senat siguron shtyrjen e afatit të pagesës së tarifave dhe shtyrjen e procedurave të marrjes së dokumentacionit për përfitim burse.
Këtë deklaratë e ka përshëndetur edhe kryeministri Rama, i cili shkruan se uron që t’i garantohet mësimi një orë e më parë shumicës që po pengohen brutalisht.
POSTIMI I PLOTË
Përshëndes deklaratën e Senatit Akademik të UT. Uroj që t’i garantohet mësimi një orë e më parë shumicës që po pengohet brutalisht. Kërkesat do të përmbushen sipas planit të publikuar dhe po shkojmë shumë përtej tyre. Dialogu e bashkëpunimi me universitetet do thellohet #MeStudentët
