Një ndër shkaktarët kryesorë të vdekjeve në botë, është një sëmundje për të cilën flitet shumë pak: sëmundja pulmonare obstruktive kronike (SPOK).
Kjo e fundit e bën të vështirë frymëmarrjen duke përkeqësuar kollën. Edhe pse miliona njerëz në botë janë diagnostikuar me këtë sëmundje, asaj po i kushtohet shumë pak vëmendje krahasuar me sëmundjet e tjera vdekjeprurëse.
Megjithatë, kjo ndodh edhe për shkak të natyrës së sëmundjes.
Shkaktari kryesor i SPOK është duhanpirja, megjithatë rreth treçereku i të sëmurëve me sëmundje pulmonare obstruktive kronike nuk kanë pirë asnjëherë duhan. Në këto raste, shkaktarët janë të tjerë: mund të jenë faktorët mjedisorë, si ajri i ndotur, përveç faktorëve të caktuar gjenetikë.
Pacientet që kanë kollë kronike dhe prodhim të sputumit me një histori të ekspozimit ndaj faktorëve te riskut duhet t’i nënshtrohen provave respiratore.
Rritja e vështirësisë së frymëmarrjes, shtimi i kollës, prania e sekrecioneve të verdha në gëlbazë, temperaturë e lartë, dhimbjet e gjoksit, dobësia trupore etj. kërkojnë këshillim me mjekun për trajtimin e tyre.
