Kim Kardashian njihet si imazhi i femrës perfekte. Ndonëse të gjithë e lakmojnë, ajo vuan nga një sëmundje e lëkurës. Falë grimit perfekt, Kim-i arrin që të mbulojë pasojat me mjaft mjeshtëri.
Bukuroshja vuan nga sëmundja e lëkurës, psoriasis, dhe ashtu siç shprehet vetë Kim, sëmundja është përkeqësuar.
Kim Kardashian i kërkon ndihmë fansave, që t’i tregojnë disa mjekime, pasi sëmundja po i zë pjesën më të madhe të trupit.
“Mendoj që ka ardhur koha që të nis mjekimet për sëmundjen e psoriasit. S’kam parë asgjë të tillë më parë, dhe nuk kam më mundësi që ta mbuloj.
Po më zë pjesën më të madhe të trupit. A ka përdorur ndonjëherë ndonjë nga ju mjekime për psoriasis, dhe çfarë funksionon më mirë? Kam nevojë për ndihmë sa më shpejt që të jetë e mundur”, shkruan Kim në Twitter.
