Një ditë më parë në ambjentet e Konsullatës Shqiptare në Selanik u organizua një aktivitet kushtuar nënës.
Pesë nëna “heroina” morën “Certifikata Mirënjohëse” nga Organizata e gruas “Jeta”.
Ky aktivitet tregoi se nëna shqiptare ka pothuajse njëzet e gjashtë vjet që punon fuqishëm në shtetin helen për mbajtjen gjallë të familjes së saj.
Kjo grua, tashmë nuk është më vetëm shtëpiake, ajo di të integrohet në shoqërinë greke në format më të mira.
Stafi i organizatës “Jeta” shpreh mirënjohje të thellë për zonjat: Kristina Dojce, Flora Kumaraku, Maria Taci, Linda Xheka dhe Valentina Zaimi.
Po kështu, një mbështetje të jashtëzakonshme i dha aktivitetit Konsullja e Përgjithëshme e Republikës së Shqipërisë, znj.Pavlina Evro Ylli, e cila me modestinë e një nëne të vërtetë shqiptare i dha aktivitetit atë që i mungonte.
Sakaq edhe Konsull Keshilltare, Enkeleda Ramizi mbështeti nismën dhe festoi festën e nënës bashkë me zonjat shqiptare.
Nga Fatime Mënalla për Tirana Today
