I zhgënjyer me festivalet në Shqipëri, këngëtari Salemi Kolonja ka marrë vendimin drastik. Për të, festivalet kanë humbur vlerat që kishin dikur dhe që këngëtarët konkuronin falë talentit. Tashmë kjo vlerë nuk mbizotëron, e ndërsa skena ka humbur magjinë e saj. I ftuar në “Ftesë në Pesë”, këngëtari Selami Kolonja pranoi publikisht se festivalet janë kthyer në pazar. Ndonëse ka një ngritje në kuptimin artistik, këngëtari shtoi se gjithçka prishet tek pazaret që bëhen në finale.
“Festivalet janë bërë kohët e fundit një pazar, dhe kam vendosur të mos marr më pjesë në festivale. Edhe pse ju e dini që amerikanët thonë “kurrë mos thuaj kurrë”, unë them që asnjëherë [s’do marr pjesë] dhe mund ta them dhe kurrë.
Vitet e fundit kemi një revolucion në kuptimin e mirë të fjalës, ka një ngritje në kuptimin arstistik. Por e di ku prishet? Në fund.
Gjithçka e ndërtojmë bukur e bukur e mirë, dhe në fund kur duam të vendosim diçka, fillojnë pazaret. Justifikimi është i thjeshtë. Kur duam ne të penalizojmë dikë e gjejmë një motiv. Motivi është shumë i thjeshtë. Muzika është shije dhe kaq. Këtu përfundon çdo gjë”, deklaroi ai.
