Policia ka sekuestruar 517 kg lëndë narkotike në Memaliaj, në sajë të finalizimit të operacionit të koduar “BISHANAJ”.
Gjithashtu, policia ka sekuestruar 1440 fishekë luftarakë dhe ka ndaluar shtetasin Neim Bishani, 54 vjeç, banues në fshatin Zhapokikë, Memaliaj.
Neim Bishani dispononte lëndë narkotike në banesën e tij në fshatin Zhapokikë.
Nga kontrolli i ushtruar, në afërsi të banesës u gjetën 60 thasë me lëndë narkotike Cannabis Sattiva kërcej e gjethe, si dhe 1440 copë fishekë luftarakë, pesha totale e të cilave rezultoi 517 kg.
Gjithashtu filloi procedimi penal në gjendje të lirë për shtetasin Q.R, kryeplak i fshatit Zhapokikë, 63 vjeç, për veprat penale “Moskallëzim i krimit” dhe “Shpërdorim detyre”, parashikuar nga nenet 300 dhe 248 të Kodit Penal.
Materialet i kaluan Prokurorisë së Rrethit Gjyqësor Gjirokastër për veprime të mëtejshme.
