Kapen sërish shqiptarë të përfshirë në trafikun e drogës, në Itali. Policia italiane ka arritur të sekuestrojë 250 kg marijuanë, ndërsa në pranga kanë rënë një italian nga Brindisi dhe dy shqiptarë.
Konkretisht, janë arrestuar shtetasi italian Salvatore Lograno, 43 vjeç, dhe dy shqiptarët Renato Uku, lindur në Tiranë po rezident në Firence dhe Oltion Proko nga Vlora.
Ata u arrestuan gjatë një operacioni të karabinierëve të Leçes, në Torre Chianca, ndërsa akuzohen për posedim lënde narkotike me qëllim shpërndarjen në rrethana të rënduara.
Italiani Lograni u ndalua gjatë një kontrolli rrugor teksa lëvizte me automjetin tip Mazda 5, ndërsa iu gjetën 50 pako me rreth 54 kg drogë të llojit marijuanë.
Pas gjetjes së drogës në automjet, policia kreu kontroll edhe në dy vila në Torre Chianca, ku karabinierët kanë gjetur 123 pako të tjerë ne drogë, me peshë totale rreth 200 kg.
Aktiviteti hetimor bëri të mundur gjithashtu bllokimin pranë zonës, ku po bëhej kontrolli, të një tjetre makine, një “Nissan Note”, në pronësi të italianit, por me të cilën udhëtonin dy shqiptarët. Droga, më shumë se 250 kg është dhe automjetet janë sekuestruar nga policia.
