Një milion paund janë sekuestruar mesditën e sotme në Portin e Durrësit. Mësohet se paratë janë gjetur brenda një furgoni, i cili ishte nisur nga Anglia me destinacion qytetin bregdetar.
Sasia e konsiderueshme u zbulua gjatë një kontrolli rutinë në port, teksa paratë ishin fshehur në shasinë e mjetit.
Furgoni ka arritur në port me tragetin e Ankonës rreth orës 12:00 dhe ndalimi i tij është bërë pas një kontrolli rutinë nga policia rreth orës 13:00.
Policia e Durrësit ka ndaluar shoferin e furgonit, por nuk ka dhënë detaje në lidhje me operacionin.
